後生嘅時候唔養生，老咗就要養醫生！養生可以令我哋嘅身體保持健康，少啲出現疾病。好多人都會說話自己仲好後生，無乜疾病，但係好多疾病都唔係一觸即發，係長期積累嘅，宜家唔病並唔代表之後或者老咗都唔會病，所以宜家同大家講解一下簡單嘅養生春季食療方法。
春季生機蓬勃，萬物復蘇，人體陽氣亦隨之升發，新陳代謝加快。呢個時候為咗令人體同大自然相應，應該食多啲辛散甘味食物，好似：蔥、韭菜、薑、大棗等以助發散陽氣。初春天氣仲係比較寒冷，所以早春時節嘅飲食仍應配合高熱量為主，如牛肉、雞肉、雞蛋等。
春季食療「多甘少酸」原則
中醫學認為，春季與人體肝臟相應，肝氣易趨旺盛。按五行相剋關係，春天除咗重在「養肝護肝」外，因「肝旺剋脾」，仲需注意顧護脾氣。「甘入脾，酸入肝」， 甘味食物可滋補脾胃，而酸味食物入肝有助肝氣。
但如進食過多酸味食物令肝氣過於旺盛，會影響脾胃運化，仲會引起胃腸道不適症狀。此外，酸味食物性收斂，多吃不利身體陽氣升發，並阻礙肝氣疏泄。
因此，春季飲食應以「多甘少酸」為原則，以補益脾胃。
春季氣候由寒轉暖，氣溫變化較大，細菌及病毒滋生繁殖活躍，易於入侵人體致病。所以春季應多食橙、菠菜、紅蘿蔔等富維他命C食物以增強抗病能力。
另外，空氣濕度較高，人體易受空氣中的濕氣侵襲，令身體困重，疲倦乏力，宜進食一啲健脾祛濕嘅野，例如：薏米、扁豆、山藥等。藉此加強機體防禦御能力，減少疾病發生的機會。
春季養生湯水 – 佛手瓜薏仁湯
材料：
佛手瓜（兩個）、淮山 30g、生薏米 20g、瘦肉 100g、紅棗（十枚，去核）、陳皮 （小塊）、薑2片
製法：
1. 先將瘦肉洗淨、切片、氽水
2. 將佛手瓜去皮同去核
3. 用大火煲肉片 15 分鐘
4. 轉慢火，並加入佛手瓜、淮山、生薏米、紅棗，煲約 2 小時
5. 下鹽調味
功效：
理氣健脾，疏通肝氣
養生除咗用食療之外，仲可以用瓷温擊壓！瓷温擊壓療程利用生物陶瓷溫熱、真空抽吸同按壓於一身，有效刺激身體穴位，促進淋巴循環，將體內嘅多餘的游離脂肪酸、脂肪代謝排出，達至保健排毒同減肥！